საპროფორიენტაციო შეხვედრების ფარგლებში, სსიპ კოლეჯში ,,ფაზისი” სტუმრად იმყოფებოდნენ ქ. ფოთის N 11 საჯარო სკოლის მოსწავლეები და მასწავლებლები. მოსწავლეებს მიეწოდათ ინფორმაცია კოლეჯში განხორციელებადი პროფესიული საგანმანათლებლო პროგრამების, მიმდინარე სასწავლო პროცესისა და დასაქმების შესაძლებლობების შესახებ. დაათვალიერეს თეორიული და პრაქტიკული სწავლების სივრცეები, პროფესიულ სტუდენტთა ნამუშევრები და ჩაერთნენ სასწავლო პრაქტიკის მუშა პროცესში. კოლეჯის ,,სამკერვალო წარმოების’’ , “ამწე და მსგავსი მანქანების ოპერირება’’ , ,,სასტუმრო მომსახურება”, ,,სარესტორნო მომსახურება” და ,,ხის მხატვრული დამუშავების” სპეციალობის მასწავლებლებმა, მოსწავლეებს მასტერკლასები ჩაუტარეს.
შეხვედრის დასასრულს, მოსწავლეებს საინფორმაციო ბუკლეტები და სხვადასხვა სამახსოვრო საჩუქრები გადაეცათ.
