30 სექტემბერს/01 ოქტომბერს ჩატარდა საერთაშორისო კონფერენცია სახელწოდებით “პროფესიული განათლების მიღწევები, გამოწვევები და პერსპექტივა – პროფესიული განათლების მასწავლებელი სამუშაოზე დაფუძნებულ სწავლებაში”.

კონფერენცია ორგანიზებული იყო კოლეჯების – “ბლექსის” და “ახალი ტალღის” მიერ, აჭარის განათლების, კულტურისა და სპორტის სამინისტროსა და გერმანიის საერთაშორისო თანამშრომლობის საზოგადოების (GIZ) მხარდაჭერით.

ჩვენი კოლეჯის პროფესიული განათლების მასწავლებელმა მაკა ვაშაკიძემ, წარმოადგინა მოხსენება თემაზე “ინტეგრირებული პროგრამები – მიღწევები, გამოწვევები და პერსპექტივა”. მისმა გამოსვლამ ხაზი გაუსვა ინტეგრირებული პროგრამების მნიშვნელობას თანამედროვე პროფესიულ განათლებაში და გააშუქა ამ მიმართულებით არსებული პროგრესი, სირთულეები და სამომავლო ხედვა.

მადლობას ვუხდით მაკა ვაშაკიძეს ჩვენი კოლეჯის ღირსეულად წარდგენისთვის და კონფერენციის ორგანიზატორებს ასეთი შესაძლებლობისთვის!