სსიპ კოლეჯში „ფაზისი“ საგანმანათლებლო ცენტრი (ჰაბი) „სოლარ ინსტალერ“ გაიხსნა, სადაც ტრენინგ კურსის – „მზის ელექტრო სადგურების პროექტირება, მონტაჟი და ექსპლუატაცია“ ფარგლებში უკვე გადამზადდა 24 მსმენელი. საგულისხმოა, რომ სწავლებაში ჩართულნი იყვნენ გოგონებიც, რომლებმაც წარმატებით დასძლიეს კურსი.

კურსის ფარგლებშივე, მსმენელებმა გამომუშავებული პრაქტიკული უნარების დემონსტრირება მოახდინეს და ჰაბის სახურავზე მზის ელეტრო სადგური დაამონტაჟეს.

საგანმანათლებლო ცენტრის გახსნის ცერემონიას ესწრებოდნენ პარტნიორი ორგანიზაციების წარმოამდგენლები, ადგილობრივი ხელისუფლების წარმომადგენლები, ქალაქის კერძო და საჯარო სექტორიდან მოწვეული სტუმრები.

ღონისძიებას ესწრებოდნენ ასევე, საქართველოს განათლების, მეცნიერებისა და ახალგაზრდობის სამინისტროს პროფესიული განათლების განვითარების დეპარტამენტის უფროსი ქალბატონი თამარ კვინიკაძე, პროფესიული უნარების სააგენტოს წარმომადგენელი – პროფესიული მომზადება/გადამზადების პროგრამების დაფინანსების კოორდინატორი მარიამ დავითულიანი და კოლეჯების დირექტორები.

კოლეჯის დირექტორმა ნინო ბაკურაძემ და მოწვეულმა სტუმრებმა კურსდამთავრებულებს სერტიფიკატები გადასცეს.

მადლობას ვუხდით ჩვენს პარტნიორ ორგანიზაციებს მხარდაჭერითვის : Eberhard-Schöck-Stiftung, Euro Solar Georgia, UNDP, InovationEnergy LLC.