პროფესიული საგანმანათლებლო ინტეგრირებული პროგრამის „ლაბორატორიული საქმე მეთევზეობაში“ სტუდენტებმა გამორჩეულად გააფორმეს პროფესიული გზის ერთ-ერთი მნიშვნელოვანი ეტაპი.
მათ შემოქმედებითმა და ემოციურმა ნომრებმა ნამდვილად გაგვაოცა — ბოლო ზარი იქცა ნამდვილ დღესასწაულად, სადაც გაერთიანდა მხიარულება, გულწრფელობა და სიყვარული.
ეს არის ჯგუფი, რომელიც ყოველთვის გამოირჩეოდა ერთობით, თავდადებით და პასუხისმგებლობით. მათი გამოსვლა კი იყო ნათელი დასტური იმისა, თუ როგორი ზრდასრულები და მზად არიან მომავლისთვის.
კურსდამთავრებულებსა და პროგრამის ხელმძღვანელს, ნათელა ლაშხიას, კოლეჯის დირექტორმა ნინო ბაკურაძემ მადლობა გადაუხადა გაწეული შრომისა და ერთგულებისთვის და გადასცა მათ სიმბოლური საჩუქრები.
გულით ვულოცავთ ჩვენს სტუდენტებს! გვეამაყებით და გისურვებთ ახალ წარმატებებს თქვენს პროფესიულ გზაზე.
